آخر تحديث: 8 نوفمبر 2026
مين إحنا
تطبيق د. اسم الدكتور هو تطبيق العيادة لمرضاها وفريقها: حجز الكشف، ومتابعة الدور، والروشتات. التطبيق من تطوير App Pump، والعيادة هي المسؤولة عن بيانات مرضاها.
البيانات اللي بنجمعها
- بيانات الحساب: الاسم، واسم المستخدم، وكلمة السر (متخزنة مشفّرة)، ورقم الموبايل لو كتبته.
- أفراد العيلة: اسم وسن اللي بتحجزلهم.
- الحجوزات: اليوم، ورقم الدور، ونوع الكشف، وحالة الدفع، والشكوى لو كتبتها.
- الملف الطبي: التشخيص والروشتة وصورتها، اللي بيكتبها الدكتور أو التمريض.
- بيانات الجهاز: رمز الإشعارات، عشان نبلّغك بدورك.
مش بنجمع موقعك، ولا بنستخدم إعلانات، ولا بنتتبعك في تطبيقات أو مواقع تانية.
بنستخدمها في إيه
- الحجز ومتابعة الدور أول بأول.
- إشعارات: دورك قرّب، اتفضل ادخل، روشتتك جاهزة.
- إن الدكتور يشوف تاريخك الطبي في الكشف الجاي.
مين بيشوفها
- الدكتور وفريق التمريض في العيادة بس.
- مزوّدي خدمة بيشغّلوا التطبيق نيابة عننا: الاستضافة (Namecheap)، والإشعارات (Google Firebase).
مش بنبيع بياناتك ولا بنديها لحد تاني. كل عيادة بياناتها منفصلة عن الباقي، وكل الاتصال مشفّر (HTTPS).
حذف حسابك
من التطبيق: حسابي ← حذف الحساب، أو من صفحة حذف الحساب. بنمسح اسمك ورقمك ودخولك، وبنلغي حجوزاتك الجاية. الكشوفات اللي اتعملت قبل كده والملف الطبي بيفضلوا عند العيادة كسجل طبي من غير اسمك، زي ما الملفات الطبية بتتحفظ.
تواصل معانا
كلّم العيادة من صفحتها أو من رقمها في التطبيق.
Summary (English)
د. اسم الدكتور is a clinic app for booking visits, following the live queue and receiving prescriptions. We collect account details (name, username, optional phone), family members you book for, bookings, the medical notes and prescriptions written by the clinic, and a push-notification token. Data is visible only to the clinic staff and processed by our hosting (Namecheap) and notification (Google Firebase) providers. No ads, no tracking, no sale of data; traffic is encrypted. Delete your account in the app (Account → Delete account) or at https://drname.apppump.net/delete-account; past visits and medical records stay with the clinic as medical records without your name.